冰雹+暴雨！廣州今明仲要落！會停工、停課嗎？

廣州街坊注意啦

今日早高峰出地鐵口

雨水簡直就像開咗閘噉狂落

撐住傘褲腳都濕埋半截

打工人直接被呢場暴雨殺個措手不及

今次嘅天氣真系來勢洶洶

大家千祈要留意

警惕短時大風、冰雹！

廣州今明仍有暴雨

截至今朝8點58分

廣州11區全部掛咗雷雨大風橙色預警

越秀、海珠、荔灣、天河

黃埔、白云、花都、番禺、增城

呢9個區，仲同步發布咗冰雹橙色預警

而家全市各區嘅雷雨大風

冰雹預警仲喺生效緊?

雖然今朝嘅強雷雨云團慢慢走咗

但系雷雨完全冇要停嘅意思

廣東省氣象臺話，3月30號到31號

粵北同埋珠江三角洲中北部市縣

陸續會有大雨，局部仲會落暴雨甚至大暴雨

仲會伴有8到10級嘅短時大風

冰雹呢啲強對流天氣。到4月1號

全省嘅降水就會明顯減弱

大部分地方落小雨，局部中雨

廣東省氣象臺預計，3月30日—31日，粵北和珠江三角洲中北部市縣先后有大雨局部暴雨或大暴雨，并伴有8～10級短時大風、冰雹等強對流天氣。4月1日全省降水明顯減弱，全省大部有小雨局部中雨。

廣州市氣象臺預計，3月30日—31日受高空槽、切變線和冷空氣影響，廣州有一次中到大雨局部暴雨過程，并伴有雷雨大風（8～10級）、短時強降水（最大小時雨強20～50毫米）、局地小冰雹等強對流天氣。4月1日降雨減弱，以陣雨為主。

同大家講幾句溫馨提醒：

遇到雷雨天氣

能遲啲出門就千祈唔好卡點沖！

已經喺外面嘅街坊，優先行去地鐵站、

商場、辦公樓呢啲安全嘅室內地方避一避。

屋企陽臺有花盆、衣架、雜物嘅，

記得順手收一收

唔好畀大風幫你“清倉”啊！仲有

手機要留意住最新嘅預警信息?！

好多人都唔知咩叫強對流天氣

其實佢就系突發性強、破壞力好大嘅災害性天氣，局地性好明顯，仲系季節性高發，影響范圍一般係幾公里到百公里。南方一般3-4月多發，北方就5-7月，雖然影響范圍唔大，但系能量好集中，夏季午后熱力條件旺盛嘅時候更加易出現，致災風險都好高。雷暴、颮線、雷雨大風、冰雹、短時強降水、龍卷風，都屬于強對流天氣家族。

仲要同大家講下暴雨避險嘅貼士，尤其係低洼積水路段嘅出行注意事項：

開車嘅街坊

一睇二探慢通過！睇：觀察水面狀況，水面起波浪，就說明水深超過20厘米，千祈唔好貿然涉水。探：如果水深超過輪胎一半，水好可能灌入發動機進氣口，呢個時候就唔好開車涉水啦。慢通過：真系要涉水嘅話就慢行，用最低擋位勻速通過，全程車速最好唔好超每小時10公里，中途盡量唔好停車、唔好換擋、唔好急轉彎。

萬一部車駛入深水，要即刻開門落車，避免溺水！如果車熄咗火，千祈唔好再啟動，防止發動機進水。如果車身被水完全淹沒，就等水從車輛縫隙涌入，等車外同車內水位持平、內外壓力對等之后，再打開車門。如果正常方法開唔到車門、車窗，就用安全錘垂直打側面車窗嘅四角逃生。

騎電動車嘅街坊

喺立交橋附近要遠離深水，避開其他車輛，唔好喺汽車之間穿行，揀地勢高嘅地方慢慢行。唔好畀雨衣遮住視線、影響聽力，要時刻留意路況。如果路況唔好，最好推住車步行啦！

今日早出門，你有無被淋成“落湯雞”？

來源：廣東天氣